រុក្ខជាតិ៖ ឫស្សីក្អែប
ព្យបាល៖ ត្រជាក់ កាត់ស្លេស្ម៍ បំបាត់ហើម ចុកចាប់ ក្អែបខាំ ពស់ចឹក បូស
វិធីធ្វើ និងប្រើប្រាស់៖
-រុក្ខជាតិទាំងមូល ហាលឱ្យស្ងួត
-កម្រិតប្រើពី ១៥-៣០ ក្រាម ដាំទឹកផឹក១មួយថ្ងៃ
-សម្រាប់ ក្អែបខាំ ពស់ចឹក បូស បុកស្លឹកឫស្សីក្អែបស្រស់ បិទពីលើកន្លែងឈឺ ឬរបួស។លក្ខណៈរុក្ខជាតិ៖ ជារុក្ខជាតិស្មៅ ឬគុម្ពព្រឹក្សរស់បានច្រើនឆ្នាំ គល់វារឹងដូចសាច់ឈើ មែកសំប៉ែត មានថ្នាំង ពន្លកមែកដុះតាមថ្នាំង ឆ្លាស់គ្នា
ស្លឹក ៖ វែង សំប៉ែតរលោង មានគន្លាក់ រាងដូចសត្វក្អែប
ផ្កា ៖ ពណ៌ស ដុះតាមថ្នាំង គែម គន្លាក់ស្លឹក
ផ្លែ ៖ រាង៣ជ្រុង មានសាច់ខាងក្រៅពណ៌ក្រហម
កន្លែងដាំដុះ ៖ គេច្រើនយកមកដាំ
រសជាតិ ៖ ជាតិចត់ប្រហាត
**សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត
សូមរក្សានូវទម្រង់អត្ថបទដើមទាំងស្រុង នូវរាល់ប្រភពដែលយកអត្ថបទរបស់ខ្ញុំទៅចែកចាយបន្ត។
